2023 جىلى ەلەم ەلدەرٸ ازىق-تٷلٸك داعدارىسىنا تاپ بولۋى مٷمكٸن. بۇل تۋرالى قر سىرتقى ٸستەر مينيسترلٸگٸندەگٸ باسپاسٶز مەسليحاتىندا بۇۇ باس حاتشىسىنىڭ بٸرٸنشٸ ورىنباسارى امينا مۇحاممەد مەلٸم ەتتٸ, دەپ حابارلايدى قازاقپارات.
«ۋكرايناداعى جاعدايعا بايلانىستى ازىق-تٷلٸك قاۋٸپسٸزدٸگٸ سالاسىندا قاۋٸپ-قاتەر بار. دەگەنمەن ازىق-تٷلٸك قاۋٸپسٸزدٸگٸ سالاسىنداعى مەسەلەلەر بارشا ەلەمدەگٸ پاندەمييا مەن لوكداۋنداردان باستاۋ الىپ وتىر. سەبەبٸ ٸندەت سالدارىنان ەلەم ەلدەرٸ اراسىندا ٶنٸمدٸ جەتكٸزۋ تٸزبەگٸ بۇزىلعان بولاتىن. ال سوعىس جاعدايى بۇل قيىندىقتاردى ۋشىقتىرا تٷستٸ», - دەدٸ امينا مۇحاممەد.
ونىڭ ايتۋىنشا, بۇۇ باس حاتشىسى مەن ەلەم ەلدەرٸنٸڭ كٶشباسشىلارى جەنە ولاردىڭ تەحنيكالىق كوماندالارى الداعى ۋاقىتتا بولۋى مٷمكٸن ازىق-تٷلٸك داعدارىسىن ەڭسەرۋگە قاتىستى شەشٸمدەردٸ ۇسىنىپ جاتىر.
«قىمباتتاپ بارا جاتقان ازىق-تٷلٸك باعاسىن تٷسٸرۋ ٷشٸن بيداي تاسىمالى باعىتىندا قارا تەڭٸزدەگٸ قارىم-قاتىناستى جانداندىرۋ كەرەك. الايدا بۇل داعدارىستىڭ مەن-جايىن دۇرىس تٷسٸنگەن جٶن. ياعني, سوعىس اياقتالماسا, پروبلەمالاردىڭ سالماعى دا اۋىرلاي بەرەدٸ. بيىل ازىق-تٷلٸك داعدارىسىنىڭ سالدارىن اسا قاتتى سەزٸنبەسەك تە, الداعى جىلى بۇل سالاداعى پروبلەمالار اۋقىمدى بولاتىنىن بايقايمىز», - دەدٸ بۇۇ باس حاتشىسىنىڭ بٸرٸنشٸ ورىنباسارى.
