Jalpy álemdik infliatsiialyq fon joǵary kúiinde qalýda. Bul týraly Ulttyq bank tóraǵasy Erbolat Dosaev Úkimette aitty, dep habarlaidy QazAqparat.
«Damyǵan jáne damýshy elder kópjyldyq eń joǵary kórsetkishterdiń jańarýyn tirkeýde. Biylǵy qyrkúiekte AQSh-taǵy infliatsiia rekordtyq 5,4%-ke deiin, qazanda – Eýroodaq pen Resei Federatsiiasynda tiisinshe 4,1%-ke jáne 8,1%-ke deiin ósti. Qytaida monetarlyq saiasat boiynsha sheshim qabyldaýda basty nazar aýdarylatyn óndirýshiler baǵasynyń ósýi biylǵy qyrkúiekte 10,7% boldy», - dedi Dosaev Úkimet otyrysynda.
Halyqaralyq valiýta qorynyń baǵalaýy boiynsha, qysqa merzimdi kezeńde saqtalyp otyrǵan kútpegen ózgerister toqtaǵanda damyǵan jáne damýshy elderdegi infliatsiia 2022 jyldyń ortasyna qarai qalypqa keledi. Olardyń baǵalaýynsha, suranys pen usynystyń uzaq teńgerimsizdigi, taýar jetkizýdegi irkilister jáne shikizat pen azyq-túlik taýarlaryna baǵanyń ósýi kezinde infliatsiiany turaqtandyrý 2024 jylǵa deiin sozylýy múmkin.
«Biylǵy qazanda álemdik azyq-túlik baǵasy 10 jyldaǵy eń joǵary deńgeige jetip, ósýin jalǵastyrdy. FAO indeksi bir aida 3,9%-ke ósip, ósimdik maiynyń, dándi daqyldar men sút ónimderiniń qymbattaýy esebinen 133,2 tarmaqqa jetti. Ulttyq banktiń baǵalaýy boiynsha, saqtalyp otyrǵan teńgerimsizdik pen údep kele jatqan infliatsiialyq kútýlerdi eskersek, 2022 jyly Qazaqstandy qosa alǵanda, damýshy elderde infliatsiialyq qysym joǵary bolyp qala beredi», - dedi Dosaev.
