Premer-Ministr Asqar Mamin Úkimet otyrysynda 2022 jyly balalar igiliginiń qazaqstandyq indeksin engizý týraly usynysty qoldaitynyn aitty, dep habarlaidy "Ult aqparat".
«Búgin – Halyqaralyq balalardy qorǵaý kúni. Ár balanyń balalyq shaǵy baqytty, qamqorlyqqa toly bolýy kerek. Sondyqtan 2022 jyly balalar igiliginiń qazaqstandyq indeksin engizýdi qamtamasyz etý qajettigin qoldaimyn. Ol halyqaralyq talaptardy eskere otyryp, barlyq ómirlik mańyzdy salalar: qaýipsizdik, densaýlyq, bilim, materialdyq igilik, balalardy áleýmettendirýdi qamtýy tiis», - dedi Asqar Mamin.
Úkimet basshysy indekstiń kómegimen memlekettik organdarda balalardyń jaǵdaiyn jaqsartý jónindegi jumystyń óanshalyq nátijeli atqarylyp jatqany qadaǵalanytyn eskertti.
«Balalardyń bilim uiymdarynda, kóshede, demalys kezinde qaýipsizdigine erekshe nazar aýdarý qajet. Memleket basshysy tiisti oqý-jattyǵý men túsindirý jumystaryn júrgize otyryp, tótenshe jaǵdailarda muǵalimder men balalardyń is-áreketi algoritmin pysyqtaýdy tapsyrǵanyn bilesizder. Osyǵan bailanysty Bilim, Ishki ister, Tótenshe jaǵdailar, Densaýlyq saqtaý ministrlikterine, óńir ákimdikterine bilim jáne mektepten tys bilim obektilerinde tiisti qaýipsizdik infraqurylymymen qamtamasyz etý boiynsha Jol kartasyn 2 apta ishinde ázirleýdi tapsyramyn», - dedi Premer-Ministr.
