IVM kompaniiasynyń mamandary 2022 jylǵa arnalǵan birqatar boljamdar jasaǵan. Sondai-aq jaqynda olar «5 te 5» tizimin usyndy. Onda olar jaqyn aradaǵy bes jylda bizdiń ómirimizde paida bolatyn asa mańyzdy tehnologiialyq zertteýlerge sipattama berdi. Osy tizimdegi alǵashqy orynda jasandy intellekt (ziiat) tur (JI). Ol – bolashaqtaǵy ǵylymi ózgeristerdiń jarshysy. Qazirgi kezde bizde «baisaldy» JI bar, ol adamdy shahmat partiiasynda jáne basqa oiyndarda jeńe alady. Alaida kúnderdiń bir kúninde adamzat «áýesqoi» JI oilap tabady. Óz kezeginde emotsiialardyń alýan túrli álemin uǵyna alatyn bolady. Ári qyzyqty áńgimelesýshige ainalady, onyń adamnan eshbir aiyrmashylyǵy bolmaidy desedi.
Makroskoptar
Olardyń úshinshi boljamy barlyq nárseni bólshegine deiin, egjei-tegjeili kórýge múmkindik beretin «makroskoptarǵa» qatysty boldy. Qazirgi kezde myńdaǵan jasandy jer serikteri Jer orbitasynda júr. Shynaiy ýaqyt rejiminde olar aýanyń temperatýrasy týraly málimetter berse, qylmyskerlerdiń is-áreketin, áskerlerdiń qimylyn, egin jinaýdy qadaǵalaidy eken. IVM mamandary 2022 jylǵa qarai jasandy jer serikterinen alynǵan barlyq málimetterdiń biriktirilýi múmkin ekendigin boljaidy, sol kezde klimattyń ózgerýi siiaqty ózara bailanysty qubylystardy taldaý asa tiimdi jáne dál, naqty bolady delingen.
Jasandy intellekt
IVM boljamynsha, jasandy intellekti jaqyn arada sóileý men jazýdy taldaý múmkindigine ie bolady. Osylaisha, ol bizdiń psihikalyq kúiimizdegi ózgeristerdi qadaǵalap otyrady. Qarapaiym smartfondardaǵy qosymsha sóileýdegi depressiia belgilerin baiqaýǵa qabiletti jáne aldyn ala osy aýrýdyń damýy týraly eskertip, erte emdeý úshin jetkilikti ýaqyt qaldyryp otyrady eken. Aldaǵy bes jyl ishinde IVM kompaniiasynyń boljamy boiynsha, eksperimenttik júieler kez kelgen adamǵa sóileýdegi mańyzdy ózgeristerdi qadaǵalap otyrýǵa múmkindik beredi.
Sýperbatyl kórý
IVM 2022 jyly JI-diń adamdarǵa sýperbatyldyń kórý múmkindigin beretinin boljaidy. Qazirdiń ózinde bizde álemdi basqa túste kórýge múmkindik beretin linzalar men kózildirikter bar. Olar infraqyzyl sáýlelerden mikrotolqyndy sáýlelerge deiin kórýge múmkindik beredi. Kompaniia JI-diń osy linzalardy budan da qýatty etetinin boljap otyr. Olar bizge jańa múmkindikter syilaidy, adam burynǵydan da jaqsy kóredi. Mysaly, eger siz kólikti tumandy kúnde júrgizetin bolsańyz, JI kúrdeli tabiǵat jaǵdailaryn tanityn jáne tumandy seiiltetin, onyń arasynan jaqsy kóretin jaryq tolqyndaryna aýysady.
Aqyldy sensorlar
Sonymen, «aqyldy sensorlar». Bul gazdyń shyǵýyn, temperatýranyń ózgerýin nemese qorshaǵan ortanyń lastanýyn tabatyn kishkentai qurylǵylar, bular qazir de bar. Biraq olar kóp jaǵdaida atalǵan olqylyqtardy joiýǵa adamnyń qatysýyn talap etedi. Boljam boiynsha, bul qurylǵylardyń jańa nusqalary tek ǵalamtormen biriktirilip qoimaidy, sonymen birge, shynaiy ýaqyt rejiminde olqylyqtardy tirkep otyrady. Ári óz betimen birqatar qiyndyqtardy túzetedi desedi.
Siz qalai oilaisyz, bul jaqyn ýaqytta shyndyqqa ainala ma?
Chiptegi zerthanalar
Endi bizdi shaǵyn qurylǵylardyń – «chiptegi zerthanalar» kómegimen meditsinalyq diagnostika kútip tur. Olar – kez kelgen adamǵa óz betimen densaýlyq jaǵdaiyna diagnostika jasaýǵa múmkindik beretin, alaqanda ǵana ornalasatyn shaǵyn qurylǵylar. Qazirdiń ózinde osyndai «zerthanalardyń» birneshe tájiribelik úlgileri bar. Bul qurylǵylar adamnyń densaýlyǵynda kinárattyń bolý-bolmaýyn kórsetetin fitnes-bilezik túrinde bolýy múmkin. Árine, bul qurylǵylar terapevt dárigerlerdiń ornyn basa almaidy, olardyń jumysy 2022 jyly da burynǵydai mańyzdy bola bermek. Alaida IVM kompaniiasy shaǵyn biohimiialyq zerthanalardyń sonshalyqty qarapaiym bolatynyn, sizdiń densaýlyǵyńyz týraly málimetterdiń smartfonyńyzdyń ekranynda shyǵarylatynyn boljaidy. Elestetip kórińiz, eger «chiptegi zerthanalardy» densaýlyq saqtaý júiesine qosatyn bolsa, onda sizdiń ýchaskelik dárigerińiz sizdiń densaýlyǵyńyzdy qadaǵalai alatyn bolady jáne kúrdeli simptomdar tabylǵan jaǵdaida sizge kómekke kelip, tipti ómirińizdi saqtap qalady.
Jadyra Qojahmetova,
"Aiqyn" gazeti
.jpg)