Qazaqstannyń depozitterge kepildik berý qory teńge depozitteri boiynsha 2022 jyldyń qańtar aiyna usynylatyn eń joǵary syiaqy mólsherlemelerin bekitti, dep habarlaidy QazAqparat qordyń baspasóz qyzmetine silteme jasap.
Qordyń málimdeýinshe, jekelegen bankterde depozitterdiń 12 jáne 24 ailyq merzimdi depozitterde jáne 24 ailyq jinaq salymdarda airyqsha shoǵyrlanýy naryq mólsherlemelerine yqpal etpes úshin uzaq merzimdi depozitter boiynsha maksimaldy syiaqy mólsherlemeleri jeltoqsan aiyndaǵy mándik deńgeide saqtaldy.
«12 aiǵa arnalǵan jinaq salymdar boiynsha maksimaldy syiaqy mólsherlemeleri 13,9% deńgeiinde qaldy. Maqsat – olardyń tartymdylyǵyn saqtaý jáne halyqtyń uzaq merzimdi salymdarǵa degen qyzyǵýshylyǵyn oiatý jáne oǵan qoldaý kórsetý.
Merzimsiz depozitter boiynsha maksimaldy mólsherlemeler 9,5% deńgeiinde bekitildi», delingen habarlamada.
