2022 jyldan bastap statsionarlyq jáne statsionardy almastyratyn meditsinalyq kómek kólemin bólýdi avtomattandyrý josparlanǵan. Bul jaiynda Májilis depýtattarynyń saýalyna QR Premer-Ministri Eraly Toǵjanovtyń jaýabynda aitylǵan, dep habarlaidy QazAqparat.
«2022 jyldan bastap statsionarlyq jáne statsionardy almastyratyn meditsinalyq kómek kólemin bólýdi avtomattandyrý josparlanǵan. Memleket basshysynyń 2023 jylǵa qarai meditsina qyzmetkerleriniń jalaqysyn ekonomikadaǵy ortasha jalaqydan 2 ese arttyrý jónindegi tapsyrmasyn oryndaý maqsatynda biryńǵai ádis ázirlendi. Oǵan sáikes, ailyqty arttyrý laýazymdyq jalaqy koeffitsientine tiisti túzetýlerdi engizý jolymen júrgiziledi», delingen Eraly Toǵjanovtyń jaýabynda.
Úkimet basshysynyń atap ótýinshe, densaýlyq saqqtaý sýbektilerin tólem jasaý erejesine sáikes, 2021 jyldyń qańtarynda Áleýmettik meditsinalyq saqtandyrý qory jetkizýshilerdiń kelisimimen kelisimshart somasynyń 30-50 paiyzy mólsherinde avanstyń tólem jasady.
«Avanstyńtólemniń jalpy somasy 319 mlrd teńgeni nemese meditsinalyq uiymdardyń ortasha eseppen 3 ailyq qajettiligin qurady. Osylaisha, meditsina uiymdary qarajatty durys jaratqan jaǵdaida aǵymdyq shyǵyndaryn qarjylandyrýda, onyń ishinde jalaqy tóleýde problema týyndamaidy», - dedi Premer-Ministrdiń orynbasary.
