Parlament Májilisiniń jalpy otyrysynda Ulttyq ekonomika ministri Rýslan Dálenov 2021 jyly Ulttyq qordan 1 trln teńge mólsherinde nysanaly transfertti tartý usynysyn aitty, dep habarlaidy QazAqparat.
«Áleýmettik-ekonomikalyq saiasattyń negizgi basymdyqtary investitsiialyq jáne biznes ahýaldy jaqsartý, sapaly adami kapital jáne teńgerimdi óńirlik damý bolady», - dep toqtaldy ministr.
2021-2023 jyldarǵa arnalǵan úshjyldyq biýdjetti qalyptastyrý kezinde kelesi boljamdy parametrler qoldanyldy:
1) Jalpy ishki ónimniń 2021 jyly 2,8%, 2022 jyly 3,7% jáne 2023 jyly 4,6 paiyzdyq naqty ósýi.
2) 2021-2022 jyldary infliatsiia 4-6% jáne 2023 jyly 4-5%.
3) Munai óndirý kóleminiń 2021 jyly 86 mln tonna, 2022 jyly 89,6 mln tonna jáne 2023 jyly 100,8 mln tonna deńgeiinde bolýy.
4) Konservativti tásildi eskere otyryp, 2021-2023 jyldary munai baǵasy bir barreline 35 dollar deńgeiinde alyndy.
«Osy makroekonomikalyq kórsetkishter negizinde kelesi biýdjet parametrleriniń boljamy qalyptasty. Respýblikalyq biýdjettiń kiristeri (transfertterdi esepke almaǵanda) 2021 jyly- 6 trln 926 mlrd teńgeni, 2022 jyly - 8 trln 566 mlrd teńgeni, 2023 jyly 9 trln 217 mlrd teńgeni quraidy», - dep naqtylady R. Dálenov.
Kepildendirilgen transfertti 2021 jyly – 2 trln 700 mlrd teńge, 2022 jyly – 2 trln 400 mlrd teńge jáne 2023 jyly – 2 trln 200 mlrd teńge mólsherinde aiqyndaý usynylady.
«Damý baǵdarlamalaryn qarjylandyrýdy ulǵaitý úshin 2021 jyly Ulttyq qordan 1 trln teńge mólsherinde nysanaly transfertti tartý usynylady. Osylaisha, boljam boiynsha túsimder 2021 jyly 11,4 trln teńge, 2022 jyly – 11,8 trln teńge, 2023 jyly 12 trln teńgeni quraidy», - dedi vedomstvo basshysy.
Respýblikalyq biýdjettiń shyǵystary 2021 jyly 14 trln 049 mlrd teńge, 2022 jyly 13 trln 873 mlrd teńge, 2023 jyly 13 trln 889 mlrd teńge kóleminde boljanýda.
«Jalpy, áleýmettik-ekonomikalyq damý boljamy makroekonomikalyq turaqtylyqty saqtaýǵa jáne nátijeli jumyspen qamtýǵa, sonymen qatar ulttyq ekonomikany turaqty jáne sapaly damytýǵa baǵyttalǵan», - dedi Rýslan Dálenov.
