QR Saýda jáne integratsiia ministri Baqyt Sultanov saýda salasyndaǵy investitsiialar týraly aitty, dep habarlaidy QazAqparat.
«Jyl basynan investitsiialyq belsendiliktiń aitarlyqtai jandanǵanyn baiqadyq. Biylǵy 5 aida saýdadaǵy investitsiia 142 mlrd teńgeni qurap, 2020 jylǵy tiisti kezeńnen 20,1 paiyzǵa artyq boldy», - dedi B. Sultanov onlain rejimde halyq aldynda esep berýi kezinde.
Osy oraida ol halyqty jumyspen qamtýda saýda salasy mańyzdy orynda ekenin jetkizdi. Saladaǵy belsendiliktiń jandanýy jumysshylar sanynyń ósimine múmkindik berdi.
«2020 jylǵy qańtar-naýryz kezeńimen salystyrǵanda, tek birinshi toqsanda jumyspen qamtylǵandar sany 20,8 myńǵa artty. Qazir saýda salasynda 1,5 mln adam qyzmet etip jatyr, bul óz kezeginde elde jumys isteitinderdiń 16,6 paiyzy», - dedi ministr.
