قر ساۋدا جەنە ينتەگراتسييا مينيسترٸ باقىت سۇلتانوۆ ساۋدا سالاسىنداعى ينۆەستيتسييالار تۋرالى ايتتى, دەپ حابارلايدى قازاقپارات.
«جىل باسىنان ينۆەستيتسييالىق بەلسەندٸلٸكتٸڭ ايتارلىقتاي جاندانعانىن بايقادىق. بيىلعى 5 ايدا ساۋداداعى ينۆەستيتسييا 142 ملرد تەڭگەنٸ قۇراپ, 2020 جىلعى تيٸستٸ كەزەڭنەن 20,1 پايىزعا ارتىق بولدى», - دەدٸ ب. سۇلتانوۆ ونلاين رەجيمدە حالىق الدىندا ەسەپ بەرۋٸ كەزٸندە.
وسى ورايدا ول حالىقتى جۇمىسپەن قامتۋدا ساۋدا سالاسى ماڭىزدى ورىندا ەكەنٸن جەتكٸزدٸ. سالاداعى بەلسەندٸلٸكتٸڭ جاندانۋى جۇمىسشىلار سانىنىڭ ٶسٸمٸنە مٷمكٸندٸك بەردٸ.
«2020 جىلعى قاڭتار-ناۋرىز كەزەڭٸمەن سالىستىرعاندا, تەك بٸرٸنشٸ توقساندا جۇمىسپەن قامتىلعاندار سانى 20,8 مىڭعا ارتتى. قازٸر ساۋدا سالاسىندا 1,5 ملن ادام قىزمەت ەتٸپ جاتىر, بۇل ٶز كەزەگٸندە ەلدە جۇمىس ٸستەيتٸندەردٸڭ 16,6 پايىزى», - دەدٸ مينيستر.
