Qazaqstan Prezidenti Qasym-Jomart Toqaev Memlekettik qyzmet isteri agenttiginiń tóraǵasy Anar Jaiylǵanovany qabyldady, dep habarlaidy "Ult aqparat" Aqordanyń resmi saityna silteme jasap.
Anar Jaiylǵanova Qasym-Jomart Toqaevqa agenttik jumysynyń negizgi baǵyttary boiynsha esep berdi.
Agenttik basshysy ákimshilik-memlekettik qyzmet baǵytyndaǵy kadr saiasatyn qalyptastyrý, memlekettik qyzmetshilerdiń salalyq zańnama men etikalyq normalardy saqtaýyn baqylaý, sondai-aq, memlekettik qyzmet kórsetý sapasynyń jaǵdaiy týraly baiandady.
Memleket basshysy «Prezidenttik jastar kadrlyq rezervi» boiynsha jumysty jalǵastyrýdy, oǵan engen azamattardyń jumyspen qamtylýyna monitoring júrgizý jáne rezervke kirý sharttaryn retteýdi tapsyrdy.
Qasym-Jomart Toqaev 2021 jyly «Prezidenttik jastar kadrlyq rezervine» taǵy bir konkýrstyq irikteýdi ótkizý jóninde tapsyrma berdi. Konkýrsty ótkizý barysynda memlekettik organdardyń qajettilikterin eskerip, irikteletin kandidattardyń sanyn qysqartý kerek ekenin aitty.
