2021 jyly Qazaqstanda sybailas jemqorlyq quqyqbuzýshylyq jasaǵany úshin 892 sheneýnik sottaldy. Buǵan Sybailas jemqorlyqqa qarsy qyzmettiń Sybailas jemqorlyqqa qarsy is-qimyl jónindegi ulttyq baiandamasynyń derekteri dálel, - dep habarlaidy Tengrinews.kz tilshisi.
"Sybailas jemqorlyq quqyqbuzýshylyq jasaǵany úshin 892 adam sottaldy. Olardyń ishinde: ishki ister organdarynan - 207, ákimdikter men olardyń qurylymdyq bólimshelerinen - 150, onyń ishinde ákimder - 5, Qarjy ministrliginen - 34, Aýyl sharýashylyǵy ministrligi - 19, Densaýlyq saqtaý ministrligi - 16, ulttyq qaýipsizdik - 10, ekonomikalyq tergeý qyzmeti - 4, prokýratýra - 3, sýdialar - 3", - delingen habarlamada.
Vedomstvo sybailas jemqorlyq qylmys qurylymynda para alý úlesi jyldan-jylǵa artyp kele jatqanyn atap ótti.
"Eger 2015 jyly bul qylmystyń úlesi 3 paiyz bolsa (2 733-ten 895), 2021 jyly 67 paiyzdan asady (1 557-den 1053)", - dedi vedomstvo.
