Premer-Ministr Asqar Maminniń tóraǵalyǵymen ótken QR Úkimetiniń selektorlyq otyrysynda «2021-2023 jyldarǵa arnalǵan respýblikalyq biýdjet týraly» zań jobasy qaraldy. Otyrys barysynda QR qarjy ministri E. Jamaýbaev jobanyń negizgi baǵyttary boiynsha baiandama jasady, dep habarlaidy primeminister.kz saity.
Zań jobasy ekonomikalyq ósimniń baiaýlaýy jáne álemdik taýar naryqtarynda qolaisyz koniýnktýra jaǵdailarynda el ekonomikasynyń 2025 jylǵa deiingi damý boljamy negizinde ázirlendi.
Biýdjet jobasyn qalyptastyrý kezindegi basym mindetter — memlekettiń áleýmettik mindettemelerin qamtamasyz etý jáne memlekettik investitsiialardyń qolaily deńgeiin saqtaý.
Jamaýbaevtyń aitýynsha, 2021 jylǵa túsimder 11,4 trln teńge deńgeiinde boljanyp otyr.
Respýblikalyq biýdjettiń kiristeri (transfertterdi eseptemegende) 2021 jyly 6,9 trln teńgeni, 2022 jyly 8,6 trln teńgeni, 2023 jyly 9,2 trln teńgeni quraidy.
Ulǵaiý negizinen korporativtik tabys salyǵy, qosylǵan qun salyǵy jáne shiki munaiǵa eksporttyq kedendik baj boiynsha kútilýde. Biýdjet tapshylyǵy 2021 jyly jalpy ishki ónimniń 3,4%-nan 2023 jyly kezeń-kezeńmen jalpy ishki ónimniń 2,1%-na deiin tómendeýimen josparlanǵan.
Ministrdiń aitýynsha, shyǵystar 2021 jyly 14 trln teńgeni quraidy. Biýdjettiń aǵymdaǵy shyǵystary kelesi jylǵa 13,1 trln teńge deńgeiinde anyqtaldy. Damý biýdjetiniń kólemi 2021 jyly 900 mlrd teńge somasynda josparlanyp otyr.
Jamaýbaev atap ótkendei, jobada biýdjettiń áleýmettik baǵyty saqtaldy. Shyǵystar qurylymyndaǵy áleýmettik salanyń úlesi 50,4%-dy quraidy. Osylaisha, áleýmettik salaǵa 2021 jyly 2020 jylmen salystyrǵanda 454 mlrd teńgege ósimmen 7 trln teńge josparlandy.
Jyl saiynǵy indeksteý jáne zeinetaqy men járdemaqy alýshylar kontingentin ulǵaitýǵa kelesi jylǵa qosymsha 265 mlrd teńge kózdeldi.
Sondai-aq pedagogter men dárigerlerdiń jalaqylaryn kóterý jolymen olardyń mártebesin arttyrý jónindegi Prezidenttiń tapsyrmalaryn iske asyrý boiynsha barlyq is-sharalar josparlanǵan.
Ekonomikanyń naqty sektorynyń damýyn qoldaýǵa 2021 jylǵa 1,7 trln teńge kózdeldi. Osy qarajat aiasynda «Nurly jol», «Nurly jer», agroónerkásiptik keshendi damytý, indýstriialyq-innovatsiialyq damý men «Biznestiń jol kartasy – 2025» jáne taǵy basqa baǵdarlamalardy iske asyrý jalǵasady.
Ministr atap ótkendei, 2021 jyly óńirlerge respýblikalyq biýdjet qarajaty esebinen 3,8 trln teńge bólinedi, bul jalpy biýdjet shyǵystarynyń shamamen 27%-yn quraidy. Onyń ishinde aǵymdaǵy nysanaly transfertteri — 1,4 trln teńge, damý transfertteri túrinde 405 mlrd teńge kózdeldi.
