Shyǵys Qazaqstan oblysynda jol salasyna 86 mlrd teńge investitsiialanǵan, dep habarlaidy QazAqparat.
Óńirde kólik joldaryn jóndeý jumystary jalǵasýda. Qazirgi ýaqytta jaqsy jáne qanaǵattanarlyq jaǵdaidaǵy joldardyń úlesi 85 paiyzǵa jetken. Bul týraly halyq aldynda esep bergen ShQO ákimi Danial Ahmetov aitty.
«45,3 mlrd teńge respýblikalyq mańyzy bar joldarǵa, atap aitqanda «Taldyqorǵan-Qalbataý-Óskemen» jáne «Qalbataý-Maiqapshaǵai» joldaryn, oblystyq jáne aýdandyq mańyzy bar joldarǵa bólindi. Al eldi mekender kóshelerin jóndeýge 40,7 mlrd teńgeden astam investitsiia tartylǵan. Biyl respýblikalyq mańyzy bar joldardy rekonstrýktsiialaý jumystary jalǵasýda», - dedi ol.
2021 jyly «Almaty-Óskemen» jáne «Qalbataý-Maiqapshaǵai» tasjolynyń 200 shaqyrymynda jol qozǵalysy ashylady. Atalǵan joldar tolyqtai 2022 jyly paidalanýǵa berilmek, - dep atap ótti Danial Ahmetov.
«Budan bólek, «Taskesken-Baqty» tasjolynyń 20 shaqyrymyn rekonstrýktsiialaý aiaqtalýda. Joba iske asqannan keiin Osinov asýyn ainalyp ótip, «Óskemen-Altai-Rahman qainary» jolyn qaita jańartý jumystary jalǵastyrylady», - dedi Danial Ahmetov.
Osy jyly oblystyq jáne aýdandyq mańyzy bar joldardyń 138 shaqyrymyn jóndeý jumystary jalǵasyn tappaq. Sondai-aq Óskemen qalasy men Úrjar aýylynyń áýejailaryn qaita jańartý, Kúrshim aýdanyndaǵy Buqtyrma sý qoimasy arqyly kópir salý jumystary júrgiziledi.
