شىعىس قازاقستان وبلىسىندا جول سالاسىنا 86 ملرد تەڭگە ينۆەستيتسييالانعان, دەپ حابارلايدى قازاقپارات.
ٶڭٸردە كٶلٸك جولدارىن جٶندەۋ جۇمىستارى جالعاسۋدا. قازٸرگٸ ۋاقىتتا جاقسى جەنە قاناعاتتانارلىق جاعدايداعى جولداردىڭ ٷلەسٸ 85 پايىزعا جەتكەن. بۇل تۋرالى حالىق الدىندا ەسەپ بەرگەن شقو ەكٸمٸ دانيال احمەتوۆ ايتتى.
«45,3 ملرد تەڭگە رەسپۋبليكالىق ماڭىزى بار جولدارعا, اتاپ ايتقاندا «تالدىقورعان-قالباتاۋ-ٶسكەمەن» جەنە «قالباتاۋ-مايقاپشاعاي» جولدارىن, وبلىستىق جەنە اۋداندىق ماڭىزى بار جولدارعا بٶلٸندٸ. ال ەلدٸ مەكەندەر كٶشەلەرٸن جٶندەۋگە 40,7 ملرد تەڭگەدەن استام ينۆەستيتسييا تارتىلعان. بيىل رەسپۋبليكالىق ماڭىزى بار جولداردى رەكونسترۋكتسييالاۋ جۇمىستارى جالعاسۋدا», - دەدٸ ول.
2021 جىلى «الماتى-ٶسكەمەن» جەنە «قالباتاۋ-مايقاپشاعاي» تاسجولىنىڭ 200 شاقىرىمىندا جول قوزعالىسى اشىلادى. اتالعان جولدار تولىقتاي 2022 جىلى پايدالانۋعا بەرٸلمەك, - دەپ اتاپ ٶتتٸ دانيال احمەتوۆ.
«بۇدان بٶلەك, «تاسكەسكەن-باقتى» تاسجولىنىڭ 20 شاقىرىمىن رەكونسترۋكتسييالاۋ اياقتالۋدا. جوبا ٸسكە اسقاننان كەيٸن وسينوۆ اسۋىن اينالىپ ٶتٸپ, «ٶسكەمەن-التاي-راحمان قاينارى» جولىن قايتا جاڭارتۋ جۇمىستارى جالعاستىرىلادى», - دەدٸ دانيال احمەتوۆ.
وسى جىلى وبلىستىق جەنە اۋداندىق ماڭىزى بار جولداردىڭ 138 شاقىرىمىن جٶندەۋ جۇمىستارى جالعاسىن تاپپاق. سونداي-اق ٶسكەمەن قالاسى مەن ٷرجار اۋىلىنىڭ ەۋەجايلارىن قايتا جاڭارتۋ, كٷرشٸم اۋدانىنداعى بۇقتىرما سۋ قويماسى ارقىلى كٶپٸر سالۋ جۇمىستارى جٷرگٸزٸلەدٸ.
