2021 jyldyń qorytyndysy boiynsha 17 540 etnikalyq qazaq tarihi otanyna oralyp, qandas mártebesin aldy. Jalpy 1991 jyldan beri respýblikaǵa 1 million 87,8 myń etnikalyq qazaq oraldy, dep habarlaidy "Ult aqparat" Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
2021 jyly Qazaqstanǵa kelgen qandastardyń jartysynan astamy (76,2%) - Ózbekstannan, 9,7% – QHR-dan, 6% – Túrikmenstannan, 2,6% – Mońǵoliiadan jáne 5,7% basqa elderden kelgen.
Kelgen etnikalyq qazaqtar negizinen Almaty (28,5%), Mańǵystaý (19%), Túrkistan (13%) jáne Jambyl (7,8%) oblystaryna, sondai-aq Shymkent (10,5%) qalasyna qonystandy.
Osy jylǵy 1 qańtardaǵy jaǵdai boiynsha eńbekke qabiletti jastaǵy etnikalyq qonys aýdarýshylar sany 55,2%-dy, eńbekke qabiletti jastan kishi 28%-dy jáne zeinetkerler 16,8%-dy quraidy.
Eńbekke qabiletti jastaǵy qandastardyń ishinen bilim deńgeii boiynsha 11,1%-ynyń joǵary bilimi, 40,1%-ynyń orta kásibi bilimi, 45,6%-ynyń jalpy orta bilimi bar jáne 3,1%-ynyń bilimi joq.
