2021 jyldyń naýryzynan munai ónimderin taýarlyq birja arqyly satýdy qamtamasyz etý qajet. Bul týraly búgin QR Premer-Ministriniń orynbasary Roman Skliar aitty, dep habarlaidy QazAqparat.
«Eń aldymen ministrlik Teńizdiń bolashaqtaǵy keńeiýi jobasy, Gazǵa qatysty óndiristik shekteýlerdi alyp tastaý jáne Qarashyǵanaqta gazdy ker aidaityn 4-shi kompressor jobasy syndy iri negizgi jobalardy júzege asyrý jumystaryn jalǵastyrý kerek. Ekinshiden, Shetel investorlary keńesi aiasynda Memleket basshysynyń memlekettiń Qashaǵan jobasyn júzege asyrýǵa qatysý tiimdiligin arttyrý týraly bergen hattamalyq tapsyrmasyna sáikes, osy jyly Qashaǵan ken ornynyń shikizaty bazasynda qýaty 1,150 mlrd tekshe metr shikiz gaz bolatyn gaz óńdeý zaýytyn bastaý qajet», - dedi Úkimet basshysynyń orynbasary QR Energetika ministrliginiń keńeitilgen alqa otyrysynda.
Sonymen qatar ol QR Prezidenti halyqqa arnaǵan Joldaýynda munai ónimderi salasynda birjalyq saýdany retke keltirýdi jáne jetildirýdi tapsyrǵanyn eske salyp ótti.
«Osyǵan orai, Energetika ministrligi Saýda jáne integratsiia ministrligimen birlesip, osy jyldyń naýryzynan-aq munai ónimderin taýarlyq birja arqyly sata bastaýdy qamtamasyz etýi kerek», – dedi Roman Skliar.
