2021 jyldan bastap elimizde sottalýshylardyń táýliktik tamaqtanýyna bólinetin qarajat 1,7 esege ósedi. Bul týraly búgin QR Ishki ister ministrligi Qylmystyq atqarý júiesi komitetiniń tóraǵasy Janat Eshmaǵambetov aitty, dep habarlaidy QazAqparat.
«Tamaqtanýdy uiymdastyrý máselesimen mekemeniń ózi, sonymen qatar «Eńbek» RMK ainalysady. Ashana jumysshysy retinde sottalýshylar da, erikti túrde jaldamaly azamattar da jumysqa tura alady. Tiisinshe jalaqy tólenedi. Tamaqtaný normativin Qazaq taǵamtaný akademiiasynyń usysy negizinde Úkimet bekitedi. Azyq-túlik tizilimi 26 ataýdan turady. Búginde qazirgi baǵalarǵa sáikes, táýliktiń norma bir adamǵa 630 teńgeni quraidy. Qazirgi ýaqytta ministrdiń tapsyrmasyna sáikes, bul másele pysyqtaldy jáne azyq-túlik tizilimi men olardyń salmaǵyn 26-dan 32 ataýǵa deiin arttyrý usynylady. 2021jyldan bastap tiýliktiń normativ 1 050 teńgeni quraityn bolady», - dedi komitet tóraǵasy Ishki ister ministrligi alańynda ótken baspasóz máslihatynda.
Sonymen qatar ol azyq-túlik tizilimi men táýliktik normativtiń arttyrylý sebebin de túsindirip ótti.
«Quqyq qorǵaýshylardyń usynymdaryn eskere otyryp, qazirgi baǵa kezinde normativti arttyratyn bolamyz. Tamaqtaný ártúrli ári ratsiondy bolýy tiis. Qazaq taǵamtaný akademiiasynyń da usynymy bar. Onda munyń barlyǵy da eskerilgen», - dedi Janat Eshmaǵambetov.
