2021 jyldyń qańtar aiynan bastap muǵalimderdiń eńbekaqysyn 25 paiyzǵa kóbeitý jóninde sheshim qabyldadym. Bul týraly Memleket basshysy Qasym-Jomart Toqaev Parlament palatalarynyń birlesken otyrysynda Qazaqstan halqyna jyl saiynǵy dástúrli Joldaýynda málim etti, dep habarlaidy "Ult aqparat".
«Bilim salasyndaǵy basty máseleniń biri – ustazdar jalaqysynyń azdyǵy. Soǵan bailanysty 2021 jyldyń qańtar aiynan bastap muǵalimderdiń eńbekaqysyn 25 paiyzǵa kóbeitý jóninde sheshim qabyldadym» , - dedi Prezident.
Osy oraida Memleket basshysy jalaqy mólsheri aldaǵy ýaqytta da arta beretinin aitty.
«Bul maqsatqa aldaǵy úsh jylda 1,2 trln teńge bólinedi», - dedi Toqaev.
