2021 jyldan bastap memlekettik qyzmetshilerdiń shetel bankterinde esepshoty bolýyna shekteý engizý kerek. Bul týraly búgin Qazaqstan halqyna Joldaýyn jariia etken QR Prezidenti Qasym-Jomart Toqaev aitty, dep habarlaidy "Ult aqparat".
«Kvazimemlekettik qurylymdardyń qarjy-sharýashylyq qyzmetin, biýdjet qarajatyn paidalaný jónindegi málimetterdi jáne basqa da qundy derekterdi búkil qoǵamǵa qoljetimdi etý jónindegi biryńǵai aqparattyq resýrs jasaý asa mańyzdy bolyp otyr. Memlekettik organdardyń sheshimi jónindegi aqparattyń ashyqtyǵy azamattyq qoǵammen syndarly dialog ornatýǵa septigin tigizedi. Aqparatqa qol jetkizý jónindegi zań jobasyn múmkindiginshe osy sessiianyń aiaǵyna deiin qabyldaý kerek», - dedi Memleket basshysy.
Sonymen qatar QR Prezidenti sybailas jemqorlyqqa qarsy kúrestiń jańa tásilderin engizgen jón dep sanaitynyn basa aitty.
«2021 jyldan bastap memlekettik qyzmetshilerdiń, depýtattardyń, sýdialardyń shetel bankterinde esepshotqa ie bolýy, qolma qol aqsha jáne baǵaly zattar saqtaýyna qatysty jemqorlyqpen kúres aiasynda jańa shekteýler engizý kerek», - dedi Qasym-Jomart Toqaev.
