2021 jyldyń qańtar aiynan «Quqyq qorǵaý organdary týraly» Zańǵa engizilgen ózgerister kúshine enedi. Bul ózgerister negizinen ishki ister organdaryna qyzmetke qabyldaý tártibine qatysty, dep habarlaidy "Ult aqparat" IIM baspasóz qyzmetine silteme jasap.
Jańa tártip boiynsha IIO-yna qatardaǵy, kishi jáne orta basshylyq quram laýazymdaryna bastapqy kásibi daiarlaý arqyly irikteý tártibi ońailanyp, konkýrsty jáne synaq merzimin alyp tastaý jolymen qyzmetke qabyldaý merzimi qysqarady.
Sondai-aq, ishki ister organdarynyń basshylaryna qoiylatyn talaptar da qatańdatyldy.
Qyzmetke qabyldaýdyń jańa tártibi IIM Kadr saiasaty departamenti uiymdastyrǵan arnaiy seminar barsynda túsinidirildi. Bul seminarǵa IIO-nyń óńirlik departamentter basshylarynyń kadr saiasatyn júrgizetin orynbasarlary jáne IIM, TJK, QAJK, MKQB bilim uiymdary basshylarynyń orynbasarlary, sondai-aq kadr bólimsheleriniń jeke quramy qatysty.
IIO-yna qyzmetke qabyldaý konkýrstyq negizde júrgiziledi. Biraq bul tártip bastapqy kásiptik daiarlyqtan ótkenderge qoldanylmaidy.
«Qazirgi ýaqytta politsiia jurtshylyqpen tyǵyz ózara bailanys jasaýdyń jańa formatyna kóshý qajet. Jańa formatta kórsetilgen talaptar árbir politsiia qyzmetkerine turǵyndarmen ashyq áńgime júrgizýge úirenýi mindetti ekenin bildiredi. Kadrlardy daiarlaý jáne irikteý júiesindegi osyndai ustanymdarǵa basymdyq berilýi tiis», - dep atap ótti IIM Kadr saiasaty departamentiniń bastyǵy Aidar Saitbekov.
