2021 sport sektsiiasyn ashýǵa 6 mlrd teńge jumsaldy. Bul týraly QR Mádeniet jáne sport ministri Dáýren Abaev aitty, dep habarlaidy QazAqparat.
«Byltyr sport sektsiialaryn jan basyna shaqqandaǵy qarjylandyrý institýty engizildi. Mundai memlekettik is-shara elimizde alǵash ret qabyldanyp otyr. Sonyń arqasynda ótken jyly 162 myńnan astam bala men jasóspirim sport sektsiialaryna tegin qatysty. Respýblika boiynsha sport sektsiialaryn ashýǵa bólingen qarjy 6 mlrd teńgeden asty», - dedi Dáýren Abaev ministrliktiń alqa otyrysynda.
Onyń atap ótýinshe, memlekettik bilim berý uiymdarynyń muǵalimderine sabaqtan tys sporttyq dárister júrgizgeni úshin bazalyq laýazymdyq jalaqydan 100 paiyz mólsherinde qosymsha aqy tóleý júiesi engizildi. Dene shynyqtyrý jáne sport salasyndaǵy mamandandyrylǵan mektep pen kolledj qyzmetkerleriniń jalaqysy 25 paiyz ósti. Sondai-aq, olardyń ailyǵy 2023 jylǵa deiin jyl saiyn kóbeitilip, 2023 jylǵa qarai bul ósim 100 paiyzdy quraidy.
«Sportshylardyń dopingke qarsy zerthanasy men Ulttyq dopingke qarsy ortalyqtyń, dene shynyqtyrý jáne sport boiynsha respýblikalyq oqý-ádistemelik jáne taldaý ortalyǵynyń basqarýshy jáne negizgi personaldarynyń jalaqy mólsheri laýazymdyq jalaqydan 100 paiyz artty. Bilim berýdiń barlyq deńgeiindegi dene shynyqtyrý sabaqtarynda «Qazaq kúresi», «Toǵyzqumalaq» jáne «Asyq atý» ulttyq sport túrleri mindetti komponent retinde engizildi», - dedi ol.
