Qazaqstannyń veterinarlyq zerthanalary shtattyq rejimde jumys isteýde, dep habarlaidy "Ult aqparat" Aýyl sharýashylyǵy ministrliginiń baspasóz qyzmetine silteme jasap.
2020 jyly Qazaqstanda 19 asa qaýipti aýrýlarǵa qarsy janýarlardy vaktsinatsiialaý boiynsha 150 mln-nan astam manipýliatsiia júrgizý josparlanǵan. Olardyń qataryna aýsyl, sibir jarasy, qutyrý, pasterellez, týberkýlez, UQM sheshegi, qus tumaýy, oba, juqpaly rinotraheit jáne virýstyq diareia, sondai-aq emkar, ektima, jylqynyń qulaǵy, rinopnevmoniia, nodýliarlyq dermatit, et qorektilerdiń ehinokokkozy, leptospiroz, listerioz, niýkasl aýrýy, qoidyń anaerobty enterotoksemiiasy jáne bradzot kiredi.
«Vaktsinatsiialaý úshin 120 mln veterinarlyq preparat pen 30 myń litr dezinfektsiialyq qural satyp alynady. Búgingi kúni veterinariialyq aldyn alý is-sharalary jospar boiynsha júrgiziledi, veterinariialyq zerthanalar shtattyq rejimde jumys isteidi» delingen habarlamada.
Janýarlardyń asa qaýipti aýrýlary boiynsha epizootiialyq jaǵdai AShM turaqty baqylaýynda.
