2020 jyly Qazaqstanda resmi dilerler 89 myńnan astam jańa kólik satty. Bul týraly «QazAvtoÓnerkásip» avtokólik salasyndaǵy kásiporyndar odaǵy habarlady.
«Ótken jyly resmi dilerler 89 097 kólikti satty. Bul bir jyl burynǵy kórsetkishten 24,8 paiyzǵa joǵary. 2020 jyly qazaqstandyqtar jańa jeńil kólikterdi alýǵa 808,6 mlrd teńge (1,9 mlrd AQSh dollary) jumsap, 2019 jylǵy deńgeiden 23,6 paiyzǵa artyq boldy», - delingen taratylǵan málimette.
Kólik satyp alýshy 63 541 adam (71,3 paiyzy) otandyq zaýyttardyń ónimine óz tańdaýyn jasaǵan. Sonymen qatar, byltyr satylǵan 25 556 avtomobil (28,7 paiyzy) importqa tiesili bolyp otyr.
Atalǵan merzimde elimizde suranysy joǵary jeńil kólik brendteriniń arasyndaǵy úzdik bestikte Hyundai (17 928 kólik), Lada (17 453), Toyota (10 081), Chevrolet (10 029) jáne Ravon (7 137) kósh bastady.
Munymen qosa, satylymy joǵary bolǵan TOR-ondyqta – KIA (6 004 kólik), GAZ (3 241), Renault (2 643), Volkswagen (2 552 ) jáne JAC (2 450) bar.
