Qazaqstanda 690 myń múgedektigi bar adam turady. QR Eńbek jáne halyqty áleýmettik qorǵaý ministrliginiń alańynda ótken jiynda aityldy, dep habarlaidy "Ult aqparat".
Baspasóz qyzmetiniń jazýynsha, sharaǵa QR Premer-Ministriniń orynbasary Berdibek Saparbaev, QR Prezidentiniń kómekshisi – QR Prezidenti Ákimshiliginiń ótinishterin qaraýdy baqylaý bóliminiń meńgerýshisi Aida Balaeva, QR Eńbek jáne halyqty áleýmettik qorǵaý ministri Birjan Nurymbetov, Indýstriia jáne infraqurylymdyq damý, Densaýlyq saqtaý, Bilim jáne ǵylym, Tsifrlyq damý, innovatsiia jáne aeroǵarysh ónerkásibi vitse-ministrleri, Múgedekterdiń qoǵamdyq birlestikteriniń basshylary, sondai-aq Qazaqstannyń barlyq óńirlerinen selektorlyq rejimde múgedektigi bar adamdar qatysty.
B. Saparbaev Qazaqstanda 690 myń múgedektigi bar adamdar turatynyn jáne memleket deńgeiinde olardyń ózekti máselelerin sheshýge kóp kóńil bólinetinin atap ótti.
«Qazaqstanda múgedektigi bar adamdardy qoldaý máselelerine erekshe kóńil bólinedi. Aǵymdaǵy jyly járdemaqy tóleýge jáne múgedektigi bar adamdardy arnaiy áleýmettik qyzmettermen jáne tehnikalyq ońaltý quraldarymen qamtamasyz etýge 400 mlrd teńge kózdeldi. Aldaǵy ýaqytta olardy áleýmettik qoldaýǵa 448 mlrd teńge bólinedi. Sonymen qatar, 2020 jyly Nur-Sultan, Almaty jáne Kókshetaý qalalarynda ońaltý ortalyqtarynyń qurylysy bastalady. Búgin biz múgedektigi bar adamdardyń áleýmettik ońaltý tiimdiligin arttyrýǵa, kedergisiz ortany qamtamasyz etýge, múgedektiktiń profilaktikasy men aldyn alýǵa, bilimge qoljetimdilikke bailanysty máselelerdi talqylaý úshin jinalyp otyrmyz», – dedi QR Premer-Ministriniń orynbasary.
Jiynda sóz alǵan QR Eńbek jáne halyqty áleýmettik qorǵaý vitse-ministri Erlan Áýkenov múgedekterdi áleýmettik qoldaýdyń jańa qadamdaryn túsindirdi.
«Jeke kómekshilerdiń qyzmetterin usynatyn ÚEU-ǵa kóptegen shaǵymdar kelip túsedi. Atap aitqanda, olardyń qyzmetiniń ashyq emestigi, ákimshilik shyǵyndarǵa qarajattyń 10%-yn ustap qalady, qyzmetterge ýaqtyly tólemeý, jumys istegen ýaqyt sanyn durys baǵalamaý jáne basqa da máseleler. Múgedektigi bar adamdardyń narazylyǵyn jeke kómekshiler úshin áleýmettik pakettiń joqtyǵy, kórsetiletin qyzmetterdi baqylaýdyń tiimdi tetiginiń joqtyǵy, bolý orny men ýaqyty týraly esep berý qajettiligi, sondai-aq jeke kómekshilerdiń qyzmetteri shekteýli bolýy máselesi týdyrdy», – dedi ol.
Áýkenovtiń aitýynsha, múgedektermen belgilengen máselelerdi sheshý úshin 2015 jylǵy 22 qańtardaǵy qoldanystaǵy buiryqqa jeke kómekshilerdiń qyzmet kórsetýin retteitin, jeke kómekshilerdiń qyzmet kórsetýleri boiynsha eń kóp saǵat kólemin aiyna 176 saǵattan asyrmai belgileý; ÚEU-ny ákimshilik shyǵyndarǵa 5% - dan asyrmai ustap qalýdy qarastyratyn normalardy engizý; qyzmet kórsetýdiń biryńǵai standarttaryn jáne jeke kómekshilerge qoiylatyn talaptardy anyqtaý bóliginde ózgerister engiziletin bolady.
Bul rette, múgedektigi bar adamdardyń eskertýlerin eskere otyryp, buiryq jobasynan jaqyn týystaryna jeke kómekshiler qyzmetin kórsetýge tyiym salatyn norma alynyp tastaldy.
Vitse-ministr 2020 jylǵy shildeden bastap jeke kómekshilerdiń qyzmetteri áleýmettik qyzmetter portalyna aýystyrylatynyn, sodan keiin shartty múgedektigi bar adamnyń ózi jeke kómekshisimen nemese ÚEU-men jasaitynyn habarlady. Qyzmetti portalǵa aýystyrý Bas prokýratýra men Sybailas jemqorlyqqa qarsy is-qimyl agenttigi anyqtaǵan osy saladaǵy buzýshylyqtardy azaitýǵa múmkindik beredi.
«Budan basqa, kóptegen ótinishter meditsinalyq-áleýmettik saraptamadan ótýge jáne múgedektikti belgileýge bailanysty. Múgedektigi bar adamdar qolaisyz ońaltý boljamy bar aýrýlar boiynsha qaita kýálandyrýdan jii ótý qajettigine bailanysty qolaisyzdyqtardy birneshe ret atap ótti», – dep atap ótti Áýkenov.
Osy máseleni sheshý úshin Eńbekmini Meditsinalyq-áleýmettik saraptama júrgizý qaǵidalaryn ázirledi. Atap aitqanda, eresekterge múgedektik 5 jylǵa belgilenetin, organizm fýnktsiialarynyń aiqyn buzylýymen 19 aýrýdyń tizbesi bekitildi.
Sonymen birge, 18 jastan asqan adamdarǵa múgedektik toby qaita kýálandyrý merziminsiz ekinshi top múgedektigi belgilenetin emdeýge kelmeitin anatomiialyq kemistikter tizbesi keńeitildi. Sondai-aq 16 jasqa deiingi bala múgedek dep tanylatyn meditsinalyq kórsetilimder tizbesi keńeitildi.
