2020 jyly túrli dárejedegi 210 basshy qylmystyq jaýapkershilikke tartyldy. Bul týraly QR Sybailas jemqorlyqqa qarsy is-qimyl agenttiginiń tóraǵasy Alik Shpekbaev aitty, dep habarlaidy QazAqparat.
«Biz jazanyń bultartpastyǵyn tolyǵymen qamtamasyz etemiz. Eseptik kezeńde 25 asa aýyr jáne 1 368 aýyr qylmystyń, sondai-aq júieli sybailas jemqorlyqtyń 112 faktisiniń joly kesildi. Sotta uiymdasqan qylmystyq top qurý faktileri boiynsha 4 is qaralýda. Túrli dárejedegi 210 basshy qylmystyq jaýapkershilikke tartyldy. 722 adam sottaldy, onyń ishinde bir oblys ákimi, 4 oblys ákiminiń orynbasary, 2 jaýapty hatshy, 2 komitet tóraǵasy, 1 elshi, 5 sýdia, 10 aýdan ákimi jáne olardyń orynbasarlary. 5 vitse-ministr men 5 komitet tóraǵasy men olardyń orynbasarlaryna, sonymen qosa kvazimemlekettik sektordyń 5 top-menedjerine qatysty qylmystyq ister tergelýde», - dedi Alik Shpekbaev agenttiktiń alqa otyrysynda.
Onyń aitýynsha, «Astana LRT» qurylysy kezinde biýdjet qarajatyn jymqyrý faktisi boiynsha birqatar laýazymdy tulǵa men merdiger uiymdardyń basshylaryna qatysty is sotqa joldandy.
«SQ-Farmatsiia» basqarmasynyń burynǵy tóraǵasyna qatysty tergeý aiaqtaldy. BTA banktiń isi boiynsha 12 mlrd teńgeden astam zalal óteldi. Taǵy 6,4 mlrd teńge «Azyq-túlik korporatsiiasy» AQ basqarmasynyń burynǵy tóraǵasyna qatysty qylmystyq is aiasynda óteldi», - dedi agenttik basshysy.
