2020 جىلى تٷرلٸ دەرەجەدەگٸ 210 باسشى قىلمىستىق جاۋاپكەرشٸلٸككە تارتىلدى. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اليك شپەكباەۆ ايتتى, دەپ حابارلايدى قازاقپارات.
«بٸز جازانىڭ بۇلتارتپاستىعىن تولىعىمەن قامتاماسىز ەتەمٸز. ەسەپتٸك كەزەڭدە 25 اسا اۋىر جەنە 1 368 اۋىر قىلمىستىڭ, سونداي-اق جٷيەلٸ سىبايلاس جەمقورلىقتىڭ 112 فاكتٸسٸنٸڭ جولى كەسٸلدٸ. سوتتا ۇيىمداسقان قىلمىستىق توپ قۇرۋ فاكتٸلەرٸ بويىنشا 4 ٸس قارالۋدا. تٷرلٸ دەرەجەدەگٸ 210 باسشى قىلمىستىق جاۋاپكەرشٸلٸككە تارتىلدى. 722 ادام سوتتالدى, ونىڭ ٸشٸندە بٸر وبلىس ەكٸمٸ, 4 وبلىس ەكٸمٸنٸڭ ورىنباسارى, 2 جاۋاپتى حاتشى, 2 كوميتەت تٶراعاسى, 1 ەلشٸ, 5 سۋديا, 10 اۋدان ەكٸمٸ جەنە ولاردىڭ ورىنباسارلارى. 5 ۆيتسە-مينيستر مەن 5 كوميتەت تٶراعاسى مەن ولاردىڭ ورىنباسارلارىنا, سونىمەن قوسا كۆازيمەملەكەتتٸك سەكتوردىڭ 5 توپ-مەنەدجەرٸنە قاتىستى قىلمىستىق ٸستەر تەرگەلۋدە», - دەدٸ اليك شپەكباەۆ اگەنتتٸكتٸڭ القا وتىرىسىندا.
ونىڭ ايتۋىنشا, «استانا LRT» قۇرىلىسى كەزٸندە بيۋدجەت قاراجاتىن جىمقىرۋ فاكتٸسٸ بويىنشا بٸرقاتار لاۋازىمدى تۇلعا مەن مەردٸگەر ۇيىمداردىڭ باسشىلارىنا قاتىستى ٸس سوتقا جولداندى.
«سق-فارماتسييا» باسقارماسىنىڭ بۇرىنعى تٶراعاسىنا قاتىستى تەرگەۋ اياقتالدى. بتا بانكتٸڭ ٸسٸ بويىنشا 12 ملرد تەڭگەدەن استام زالال ٶتەلدٸ. تاعى 6,4 ملرد تەڭگە «ازىق-تٷلٸك كورپوراتسيياسى» اق باسقارماسىنىڭ بۇرىنعى تٶراعاسىنا قاتىستى قىلمىستىق ٸس اياسىندا ٶتەلدٸ», - دەدٸ اگەنتتٸك باسشىسى.
