2020 jyly skriningpen 4 mln-nan astam bala qamtyldy. Bul týraly halyq aldynda esep berý kezdesýinde QR Densaýlyq saqtaý ministri Aleksei Tsoi málim etti, dep habarlaidy QazAqparat.
«Balalardyń densaýlyǵyn saqtaýdy qamtamasyz etý úshin biz olardyń skriningtik zertteýlerin jalǵastyramyz. 2020 jyly skriningpen 4 mln-nan astam bala qamtyldy, olarda 400 myńǵa jýyq aýrý anyqtaldy, onyń ishinde 151 myńnan astam adam esepke alyndy», - dedi ministr Ortalyq kommýnikatsiialar qyzmetinde.
Onyń aitýynsha, balalar kardiohirýrgiialyq qyzmetin damytý boiynsha sharalar qabyldanyp jatyr. Sońǵy 3 jylda balalarǵa 7 myńǵa jýyq kardiohirýrgiialyq aralasý júrgizildi. 2020 jyly ashyq júrekke 1 627 operatsiia, 426 endovaskýliarlyq operatsiia jasaldy.
«Sondai-aq, balalar onkologiialyq qyzmetin damytý jalǵasýda. 5 jyldyń ishinde 210 súiek kemigin transplanttaý júrgizildi. Qaterli isikteri bar balalardyń jalpy ómir súrý deńgeii qazirgi ýaqytta 74% quraidy», - dedi Tsoi.
