2020 جىلى سكرينينگپەن 4 ملن-نان استام بالا قامتىلدى. بۇل تۋرالى حالىق الدىندا ەسەپ بەرۋ كەزدەسۋٸندە قر دەنساۋلىق ساقتاۋ مينيسترٸ الەكسەي تسوي مەلٸم ەتتٸ, دەپ حابارلايدى قازاقپارات.
«بالالاردىڭ دەنساۋلىعىن ساقتاۋدى قامتاماسىز ەتۋ ٷشٸن بٸز ولاردىڭ سكرينينگتٸك زەرتتەۋلەرٸن جالعاستىرامىز. 2020 جىلى سكرينينگپەن 4 ملن-نان استام بالا قامتىلدى, ولاردا 400 مىڭعا جۋىق اۋرۋ انىقتالدى, ونىڭ ٸشٸندە 151 مىڭنان استام ادام ەسەپكە الىندى», - دەدٸ مينيستر ورتالىق كوممۋنيكاتسييالار قىزمەتٸندە.
ونىڭ ايتۋىنشا, بالالار كارديوحيرۋرگييالىق قىزمەتٸن دامىتۋ بويىنشا شارالار قابىلدانىپ جاتىر. سوڭعى 3 جىلدا بالالارعا 7 مىڭعا جۋىق كارديوحيرۋرگييالىق ارالاسۋ جٷرگٸزٸلدٸ. 2020 جىلى اشىق جٷرەككە 1 627 وپەراتسييا, 426 ەندوۆاسكۋليارلىق وپەراتسييا جاسالدى.
«سونداي-اق, بالالار ونكولوگييالىق قىزمەتٸن دامىتۋ جالعاسۋدا. 5 جىلدىڭ ٸشٸندە 210 سٷيەك كەمٸگٸن ترانسپلانتتاۋ جٷرگٸزٸلدٸ. قاتەرلٸ ٸسٸكتەرٸ بار بالالاردىڭ جالپى ٶمٸر سٷرۋ دەڭگەيٸ قازٸرگٸ ۋاقىتتا 74% قۇرايدى», - دەدٸ تسوي.
