2020 jyly respýblikalyq biýdjetten jergilikti biýdjetterge 2 trln teńgeden astam sýbventsiia beriledi. Bul týraly búgin Qazaqstan máslihattarynyń 25 jyldyǵyna arnalǵan respýblikalyq konferentsiiada QR Parlamenti Senatynyń Tóraǵasy Dariǵa Nazarbaeva aitty, dep habarlaidy QazAqparat.
«Biýdjet - bul qaladaǵy, aýyldaǵy, eldi mekendegi adamdardyń laiyqty ómir deńgeiin qamtamasyz etýdiń basty tetigi. Máslihat depýtattary ákimdiktermen birge óz óńiriniń, óziniń eldi mekeniniń biýdjet qarajatyn tiimdi bólý úshin birdei jaýapkershilikke ie», - dedi ol.
Senat tóraǵasy 2020 jyly respýblikalyq biýdjetten jergilikti biýdjetterge 2 trln teńgeden astam somaǵa sýbventsiia berý josparlanyp otyrǵanyn aitty.
«Sýbventsiia kóleminiń ósimi oblystyq jáne qalalyq máslihattarǵa, tekserý komissiialaryna barynsha joǵary talap qoiady. Basymdyqtar durys tańdap, sapaly josparlaý qazaqstandyqtardyń ómirin jaqsartýda sheshýi rólge ie bolady», - dedi Dariǵa Nazarbaeva.
