2020 جىلى رەسپۋبليكالىق بيۋدجەتتەن جەرگٸلٸكتٸ بيۋدجەتتەرگە 2 ترلن تەڭگەدەن استام سۋبۆەنتسييا بەرٸلەدٸ. بۇل تۋرالى بٷگٸن قازاقستان مەسليحاتتارىنىڭ 25 جىلدىعىنا ارنالعان رەسپۋبليكالىق كونفەرەنتسييادا قر پارلامەنتٸ سەناتىنىڭ تٶراعاسى داريعا نازارباەۆا ايتتى, دەپ حابارلايدى قازاقپارات.
«بيۋدجەت - بۇل قالاداعى, اۋىلداعى, ەلدٸ مەكەندەگٸ ادامداردىڭ لايىقتى ٶمٸر دەڭگەيٸن قامتاماسىز ەتۋدٸڭ باستى تەتٸگٸ. مەسليحات دەپۋتاتتارى ەكٸمدٸكتەرمەن بٸرگە ٶز ٶڭٸرٸنٸڭ, ٶزٸنٸڭ ەلدٸ مەكەنٸنٸڭ بيۋدجەت قاراجاتىن تيٸمدٸ بٶلۋ ٷشٸن بٸردەي جاۋاپكەرشٸلٸككە يە», - دەدٸ ول.
سەنات تٶراعاسى 2020 جىلى رەسپۋبليكالىق بيۋدجەتتەن جەرگٸلٸكتٸ بيۋدجەتتەرگە 2 ترلن تەڭگەدەن استام سوماعا سۋبۆەنتسييا بەرۋ جوسپارلانىپ وتىرعانىن ايتتى.
«سۋبۆەنتسييا كٶلەمٸنٸڭ ٶسٸمٸ وبلىستىق جەنە قالالىق مەسليحاتتارعا, تەكسەرۋ كوميسسييالارىنا بارىنشا جوعارى تالاپ قويادى. باسىمدىقتار دۇرىس تاڭداپ, ساپالى جوسپارلاۋ قازاقستاندىقتاردىڭ ٶمٸرٸن جاقسارتۋدا شەشۋٸ رٶلگە يە بولادى», - دەدٸ داريعا نازارباەۆا.
