2020 jyly rekordtyq investitsiialyq kelisimshart jasaldy. Bul QR Syrtqy ister ministrliginiń Investitsiia komiteti tóraǵasynyń mindetin atqarýshy Ardaq Zebeshev málim etti, dep habarlaidy "Ult aqparat".
«Pandemiia kezinde onlain rejimge kóshýdiń arqasynda biz 2020 jyly kelisimsharttardyń sany men somasyn saqtap qana qoimai ony arttyryp, rekordtyq kórsetkishke jetkizdik. Jyl ishinde jalpy somasy 635 mlrd teńgeni quraityn 56 investitsiialyq kelisimshartqa qol qoiyldy. Bul sońǵy 10 jyldyń ishindegi eń joǵarǵy kórsetkish sanalady», - dedi ol Ortalyq kommýnikatsiialar qyzmetindegi baspasóz máslihaty barysynda.
Ardaq Zebeshevtiń atap ótýinshe, onyń ishinde jalpy somasy 51,2 mlrd teńgeni quraityn 8 kelisimshart óńdeý ónerkásibi salasynda jasalyp otyr.
«Osy is-sharalardyń barlyǵy 2025 jylǵa qarai negizgi kapitalǵa salynǵan investitsiia kólemin jalpy ishki ónimniń 30 paiyzyna, al tikelei shetel investitsiiasynyń kólemin 30 mlrd dollarǵa deiin jetkizýge septigin tigizýi qajet», - dedi ol.
