QR Bilim jáne ǵylym ministrligi ótken jyly QazVac vaktsinasyn alǵan vedomstvo basshysy Ashat Aimaǵambetovtiń jaǵdaiy jaqsy ekenin aitty, dep jazady "Ult aqparat".
«Ashat Qanatuly ózin jaqsy sezinedi», – dep jaýap berdi Bilim jáne ǵylym ministrliginiń baspasóz qyzmeti. Sondai-aq ministrdiń 2020 jyldyń jazynda eki komponentpen vaktsinalanǵanyn aitty.
Aita ketý kerek, baspasóz qyzmetiniń qyzmetkerleri de qazaqstandyq koronavirýsqa qarsy vaktsinany saldyrdy.
QR BǴM baspasóz hatshysy Gaýhar Omarbektiń aitýynsha, olardyń jaǵdaiy jaqsy.
Esterińizge sala keteiik, QR Bilim jáne ǵylym ministri Ashat Aimaǵambetov qazaqstandyq vaktsinany alǵashqylardyń biri bolyp synaqtan ótkizgen bolatyn.
Buǵan deiin QR Bilim jáne ǵylym ministri Ashat Aimaǵambetov koronavirýsqa qarsy qalai vaktsinalanǵany jaily aityp, ǵylymǵa senýge shaqyrǵan edi. Qazaqstandyq QazVac vaktsinasyn synaýdyń úshinshi kezeńi shilde aiynda aiaqtalady.
Biologiialyq qaýipsizdik máseleleri ǴZI bas direktory Kúnsulý Zakariianyń aitýynsha, atalǵan kezeńde otandyq vaktsinanyń klinikalyq zertteýleriniń tolyq nátijelerin alý josparlanyp otyr.
