2020 jyly kópbalaly otbasylarǵa beriletin memlekettik járdemaqy tóleminiń jalpy somasy 236,1 mlrd teńge boldy. Orta eseppen 392,4 myń otbasy qamtyldy. Jeltoqsan aiynda 428,3 myń otbasy jalpy somasy 22 mlrd teńge járdemaqy aldy, dep habarlaidy QR Eńbek jáne halyqty áleýmettik qorǵaý ministrliginiń baspasóz qyzmeti.
4 jáne odan da kóp birge turatyn kámeletke tolmaǵan nemese 23 jasqa deiingi kúndizgi bólimde oqityn stýdent balalary bar otbasylar tabysyna qaramastan, osy memlekettik járdemaqyǵa úmitker bola alady.
2021 jyly tólem mólsheri 46760 myń teńgeden (4 bala) 81852 myń teńgege (7 bala) deiin balalar sanyna bailanysty saralandy, 8 balaǵa – 93344 teńge, 9 balaǵa – 105 012 teńge, 10 balaǵa – 116 680 teńge, 11 balaǵa – 128 348 teńge, 12 balaǵa – 140 016 teńge, 13 balaǵa – 151 684 teńge, 14 balaǵa – 163 352 teńge, 15 balaǵa – 175 020 teńge, 16 balaǵa – 186 688 teńge.
Eske sala keteiik, Qazaqstandaǵy kópbalaly otbasylarǵa olardyń kiristerin esepke almai beriletin jańa memlekettik járdemaqy 2020 jyldyń 1 qańtarynan bastap ataýly áleýmettik kómek kórsetýdiń jańa tetikterinde qarastyrylǵan tabysy az jáne kópbalaly otbasylardy qoldaýdyń úsh negizgi baǵyty aiasynda engizildi.
