2020 jyly Biryńǵai turǵyn úi saiasatyn júzege asyrý jónindegi baǵdarlamanyń aiasynda barlyq qarjylandyrý kózderinen 15,3 mln. sharshy metr turǵyn úi salanyp, 2019 jylǵy kórsetkishten 16,8% artty.
Bul týraly QazAqparat QR Indýstriia jáne infraqurylymdyq damý ministrliginiń resmi saityna silteme jasap habarlaidy.
Saittaǵy málimetterge qaraǵanda, jyl qorytyndysy boiynsha respýblikada barlyǵy 140 336 turǵyn úi paidalanýǵa berildi (onyń 41 193 jeke úi), bul ótken jylmen salystyrǵanda sandyq ósimi boiynsha 21,8% qurady.
Ótken jylmen salystyrǵanda turǵyn úidi paidalanýǵa berý kóleminiń ósýi 15 aimaqta baiqalady:
Qaraǵandy (125,8%), Soltústik Qazaqstan (122,4%), Jambyl (121,7%), Shyǵys Qazaqstan (119%), Túrkistan (118,6%), Qostanai (113,1%), Pavlodar (112,1%), Batys Qazaqstan (109,1%), Aqmola (107,4%), Almaty (106,9%), Aqtóbe (101,8%), Mańǵystaý (101,5%) oblystary jáne Nur-Sultan (172,6%), Shymkent (123,9%) jáne Almaty (114,2%) qalalary.
«Nurly jer» turǵyn úi-kommýnaldyq damýynyń memlekettik baǵdarlamasy aiasynda turǵyn úi máselelerin sheshý jáne turǵyndardyń ómir súrýine qolaily jaǵdailar jasaý boiynsha keshendi jumystar júrgizilýde. Onyń maqsaty turǵyn úidiń qol jetimdiligi men jailylyǵyn arttyrý jáne turǵyn úi infraqurylymyn damytý.
Baǵdarlamany iske asyrý jeke investitsiialardy tartýdy yntalandyrǵanyn atap ótken jón. Jyl qorytyndysy boiynsha 1 teńge memlekettik qarajatqa 4 teńge jeke investitsiia tartyldy.
2020 jyly turǵyn úi qurylysyna shamamen 2 trillion teńgeni quraityn investitsiia tartylyp, 2019 jylǵy deńgeiden 33,6% artty.
