2020 jyldyń qorytyndysy boiynsha Qaraǵandy oblysynda 322 adamǵa nemese 171 otbasyna qandas mártebesi berildi, dep habarlaidy "Ult aqparat".
Qandastar bizdiń óńirge kelesi elderden kelgen: Ózbekstannan - 120 otbasy nemese 203 adam; Mońǵoliiadan - 43 otbasy nemese 106 adam; Qytaidan - 6 otbasy nemese 11 adam; Tájikstannan - 1 otbasy nemese 1 adam; Qyrǵyzstannan – 1 otbasy nemese 1 adam keldi.
Eńbekke jaramdy jasqa kelgenderdiń ishinen - 205 adam, zeinetkerler - 17, kámeletke tolmaǵandar - 100.
Qandastardyń eń kóp sany Temirtaýda - 102 otbasy nemese 177 adam; Qaraǵandyǵa- 15 otbasy nemese 17 adam; Abai aýdanynda - 10 otbasy nemese 22 adam; Buqar jyraý aýdanynda - 8 otbasy nemese 31 adam; Osakarov aýdanynda - 12 otbasy nemese 30 adam; qalǵan óńirlerge - 24 otbasy nemese 45 adam qonystandy.
Aita ketken jón, 1991 jyldan 2020 jylǵa deiin respýblikamyzǵa barlyǵy 1 mln 70,3 myń etnikalyq qazaq keldi.
«Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy aiasynda qandastarǵa jumys kúshi tapshy óńirlerge erikti túrde qonys aýdarý usynylady», - dep málimdedi Qaraǵandy oblysynyń jumyspen qamtýdy úilestirý jáne áleýmettik baǵdarlamalar basqarmasynda.
