QR eńbek jáne halyqty áleýmettik qorǵaý ministri Birjan Nurymbetov QR Premer-Ministri Asqar Maminnniń tóraǵalyǵymen ótken Úkimet otyrysynda áleýmettik-eńbek salasyndaǵy Prezident tapsyrmalaryn iske asyrý týraly baiandady.
Memleket basshysy Q.Toqaev Úkimettiń keńeitilgen otyrysynda turaqty jumys oryndaryn ulǵaitý qajettigin aitty.
Bul turǵyda EHÁQM «Jumyspen qamtý jol kartasy» men basqa da memlekettik baǵdarlamalardy qurý áleýetin qaita qaraýdy usynady. B. Nurymbetovtyń aitýynsha, «Jumyspen qamtýdyń jol kartasy» boiynsha jergilikti atqarýshy organdar 53 mlrd teńge únemdegen.
Sol qarajatty:
- turaqty jumys oryndaryn quratyn jańa jobalarǵa baǵyttaý;
- shaǵyn jáne orta bizneske, turaqty jumys oryndaryn qurý maqsatynda, shaǵyn óndirister qurý úshin nesieleýge paidalaný usynylady.
B. Nurymbetov memlekettik baǵdarlamalarda jumys oryndaryn qurý boiynsha sapalyq jáne sandyq kórsetkishterdi qaita qaraý qajettigin atap ótti. Ulttyq ekonomika ministrligi jáne ortalyq memlekettik organdarǵa jergilikti atqarýshy organdarmen birlesip bir apta merzimde QR EHÁQM-ge memlekettik baǵdarlamalar sheńberinde óńirlerde jumys oryndaryn qurýdyń jańa kórsetkishteri boiynsha usynystar engizý tapsyryldy.
Sonymen qatar Úkimettiń keńeitilgen otyrysynda Q. Toqaev biryńǵai áleýmettik tólemdi alǵash ret tólegen adamdardy tabysty jumyspen qamtýdy jáne «Elektrondy eńbek birjasyn» biryńǵai portal etýdi tapsyrdy.
«Tótenshe jaǵdai kezinde biryńǵai áleýmettik tólemdi alǵash ret tólgen 1 mln 338 myń adam «Enbek naryǵy» avtomattandyrylǵan aqparattyq júiesine engizildi, Jumyspen qamtý ortalyqtary tiisti jumystardy atqarýda. Búginge 68 949 adam jumyspen qamtý baǵdarlamasyna qatysýǵa niet bildirip, 30 325 adam jumyspen qamtyldy», — dedi ministr.
«Elektrondy eńbek birjasy» sátti jumys isteýde. Osy jyldyń ózinde 281 myń adam elektrondyq eńbek birjasy arqyly jumysqa ornalasty.
Qorytynylai kele, B. Nurymbetov Eńbek jáne halyqty áleýmettik qorǵaý ministrligi elektrondyq eńbek birjasyn jetildirý sharalaryn, onyń ishinde elektrondyq proaktivti túrde qyzmet kórsetý tetikteri, onlain-qyzmetter, elektrondyq eńbek sharttaryn tirkeý, Jańa mamandyqtar atlasyn engizý jáne taǵy basqa quraldardy jedel engizý jumystaryn júgizetindigin aitty.
