2020 elimizdegi aqyly joldardan 5,7 mlrd teńge qarjy tústi. Bul týraly «QazAvtoJol» UK» AQ basqarmasynyń tóraǵasy Asqar Muratuly aitty, dep habarlaidy QazAqparat.
«2020-2025 jyldarǵa arnalǵan «Nurly jol» memlekettik baǵdarlamasyna sáikes respýblikalyq mańyzy bar joldardyń 11 myń shaqyrymyna nemese jalpy jeliniń 45 paiyzyna aqy alý júiesin engizý josparlanýda. Ózderińiz biletindei, tólem alý júiesi uzyndyǵy 682 shaqyrym bolatyn 4 ýchaskede (Nur-Sultan-Shýchinsk, Nur-Sultan-Temirtaý, Almaty-Qapshaǵai jáne Almaty-Qorǵas) engizildi. 2020 jyly alymdar 5,7 mlrd teńgeni qurady», - dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, investormen («Computer Vision Technologies» JShS) jasalǵan shart aiasynda respýblikalyq mańyzy bar avtomobil joldarynyń ýchaskelerinde tólemaqy alý júiesin ornatý jáne oǵan qyzmet kórsetý boiynsha 2024 jylǵa deiin 200 birlik aralyq baqylaý arkalaryn, 45 birlik klienttermen jumys isteý jónindegi ortalyqtardy, monitoring ortalyǵyn jáne 2 birlik derekterdi óńdeý ortalyǵyn qurý kózdelgen.
«2021 jyly uzyndyǵy 5,8 myń shaqyrym ýchaskelerde 94 birlik baqylaý arkalaryn ornatý boiynsha jumystar aiaqtaldy. Árbir baqylaý arkasynda mynadai quramda baǵdarlamalyq-apparattyq keshen ornatyldy: bekitý kameralary, sholý kameralary, ónerkásiptik kompiýter, lazerlik qashyqtyq ólsheýish, RFID esepteýish jáne taǵy basqaralary», - dedi Asqar Muratuly.
