2019-2020 oqý jylyna jalpy jiyny 69 256 grant bólinbek, dep habarlaidy "Ult aqparat" BǴM baspasóz qyzmetine silteme jasap.
Mundai sheshimdi quramyna Parlament depýtattary men «Atameken» ulttyq kásipkerler palatasynyń mamandary, memlekettik organdar men joǵary oqý oryndary qaýymdastyǵynyń, qoǵamdyq uiymdardyń ókilderi kiretin vedomstvoaralyq jumys toby qabyldaǵan.
«2019-2020 oqý jylyna jalpy jiyny 69 256 grant bólinbek. Onyń ishinde bakalavriatqa - 53 785 grant, magistratýraǵa - 13159 grant, PhD doktorantýraǵa - 2312 grant bólindi. Biyldan bastap bilim berý granttary bilim berý baǵdarlamalaryna taǵaiyndalady. Bakalavriatta - 97 bilim berý baǵdarlama, magistratýrada - 154 jáne doktorantýrada - 150 bilim berý baǵdarlamasy bar. Oqýǵa túsken grant iegeri solardyń birin tańdaýy kerek», - delingen QR Bilim jáne ǵylym ministrliginiń baspasóz qyzmeti taratqan aqparatta.
