Covid-19 pandemiiasynan bolǵan ekonomikalyq zalalǵa qaramastan, 2020 jyly 5 millionnan astam adam millioner atandy, dep habarlaidy Credit Suisse saity.
Shveitsariianyń Credit Suisse qarjy konglomeratynyń jyl saiynǵy Global Wealth Report esebine sáikes, álemdegi millionerler sany 2020 jyly 56 millionnan asty. Pandemiia jyly adamdardyń 1 paiyzynan astamy baiydy. Aktivteri 50 million dollardan asatyn aýqattylardyń sany 24 paiyzǵa artyp, 2003 jyldan bergi eń joǵary ósim boldy.
Bank sarapshylary álemdik ál-aýqat 2020 jyldyń sońyna qarai 418,3 trln dollarǵa jetip, 7,4 paiyzǵa óskenin atap ótti. Sonymen qatar jan basyna shaqqanda ol 6 paiyzǵa artyp, 79,9 myń dollarǵa jetti.
Álemdik ekonomikaǵa damyǵan elderdiń úkimetteri men ortalyq bankteriniń is-qimyldary, iaǵni jahandyq qarjy daǵdarysy kezinde qatelikterdi boldyrmaý maqsatynda eki baǵyt boiynsha aldyn alý sharalaryn qabyldaǵany – halyq pen biznesti qoldaý úshin aýqymdy aqsha quiýdy uiymdastyrǵany, sondai-aq paiyzdyq mólsherlemelerdi tómendetkeni áser etken.
