2020 jyly qańtardan jeltoqsanǵa deiin 649 myń adam Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasynyń qatysýshysy boldy.
437,3 myń adam jumysqa ornalastyryldy, onyń ishinde 319,2 myńy – turaqty jumysqa ornalasty, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Sýbsidiialanatyn jumys oryndaryna 210 myń adam jumysqa ornalastyryldy, onyń ishinde: áleýmettik jumys oryndaryna – 19,3 myń; jastar praktikasyna – 34,4 myń; qoǵamdyq jumystarǵa – 156,3 myń adam.
Eńbek resýrstarynyń utqyrlyǵyn arttyrý úshin 2020 jyldyń qorytyndysy boiynsha 5,8 myń adam quramynda 1,8 myń otbasy jumys kúshi mol óńirlerden qonys aýdardy.
2020 jyldyń qorytyndysy boiynsha qysqa merzimdi oqytý kýrstaryna 18,7 myń adam jiberildi, TjKB uiymdarynda oqytýmen 18,4 myń adam qamtyldy.
«Eńbek» memlekettik baǵdarlamasy sheńberinde jappai kásipkerlikti damytýǵa 12,7 myń mikrokredit berildi, onyń ishinde 11,2 myń mikrokredit aýyl turǵyndaryna berildi. Mikrokredit alýshylar qosymsha 13,7 myń jumys ornyn ashty.
Sondai-aq, memlekettik baǵdarlamaǵa qatysýshylarǵa jańa biznes-ideialardy iske asyrýǵa 200 AEK-ke deiingi mólsherde 44,9 myń memlekettik qaitarymsyz grant berildi.
Budan basqa, 33,2 myń adam «Bastaý Biznes» jobasy boiynsha kásipkerlik negizderine oqytýdan ótti.
