Aǵymdaǵy jylǵy 1 jeltoqsandaǵy jaǵdai boiynsha 12,3 myń adam tarihi Otanyna oralyp, qandas mártebesin aldy, dep habarlaidy QR Eńbek jáne halyqty áleýmettik qorǵaý ministrliginiń baspasóz qyzmeti.
Jalpy, 1991 jyldan beri respýblikaǵa 1 mln 69,5 myń etnikalyq qazaq oraldy.
Osy jyly Qazaqstanǵa kelgen qandastardyń jartysynan kóbi (54,2%) Qytaidan, 30,0% – Ózbekstannan, 8,9% – Túrikmenstannan, 3,7% – Mońǵoliiadan jáne 3,2% basqa elderden.
Kelgen etnikalyq qazaqtar negizinen Almaty (51,7%) jáne Mańǵystaý (13,4%) Túrkistan (5,6%) oblystaryna, sondai-aq Nur-Sultan (4,1%) jáne Shymkent qalalaryna (3,7%) qonystandy.
11 aidyń qorytyndysy boiynsha eńbekke qabiletti jastaǵy qonys aýdarýshylar sany 57,2%-dy, eńbekke qabiletti jastan kishi 32,2%-dy jáne zeinetkerler 10,6%-dy quraidy.
