Tórt jáne odan kóp birge turatyn kámeletke tolmaǵan balalary bar kópbalaly otbasylarǵa memlekettik járdemaqy tóleýge 2020 jylǵy qańtarda 17,7 mlrd teńge kózdelgen, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Baspasóz qyzmetiniń málimetinshe, zeinetaqy men járdemaqylardy qarjylandyrýdy ekinshi deńgeidegi bankterde birkelki bólý úshin aqsha qarajatyn aýdarý kezeń-kezeńimen júzege asyrylatyn bolady.
«2020 jylǵy 5 qańtarda Qazaqstan Respýblikasy Eńbek jáne halyqty áleýmettik qorǵaý ministrligi «Azamattarǵa arnalǵan úkimet» memlekettik korporatsiiasy» KEAQ-ǵa 12,5 mlrd teńge, 5-8 qańtar aralyǵynda «Azamattarǵa arnalǵan úkimet» memlekettik korporatsiiasy» KEAQ kestege sáikes aqshany alýshylardyń shottaryna aýdarady.
Qalǵan 5,2 mlrd teńge «Azamattarǵa arnalǵan úkimet» memlekettik korporatsiiasy» KEAQ-ǵa taiaý kúnderi jiberiledi», delingen habarlamada.
Esterińizge sala keteiik, 2020 jylǵy 1 qańtardan bastap 4 jáne odan da kóp kámeletke tolmaǵan balalary bar nemese 23 jasqa deiingi kúndizgi oqý bóliminde oqityn stýdentteri bar otbasylarǵa jańa memlekettik járdemaqy berledi.
Atalǵan memlekettik járdemaqy otbasynyń tabysyna qaramastan saralanǵan mólsherde: 4 balaǵa – 42 496 teńge; 5 balaǵa – 53 127 teńge; 6 balaǵa – 63 757 teńge; 7 jáne odan da kóp balaǵa – 74 388 teńge tólenedi.
Jalpy alǵanda, 2020 jyly kópbalaly otbasylarǵa memlekettik járdemaqy tóleýge 177,6 mlrd teńge kózdelgen. Bul járdemaqyny 346,8 myń otbasy alatyn bolady.
