تٶرت جەنە ودان كٶپ بٸرگە تۇراتىن كەمەلەتكە تولماعان بالالارى بار كٶپبالالى وتباسىلارعا مەملەكەتتٸك جەردەماقى تٶلەۋگە 2020 جىلعى قاڭتاردا 17,7 ملرد تەڭگە كٶزدەلگەن, دەپ حابارلايدى "ۇلت اقپارات" قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
باسپاسٶز قىزمەتٸنٸڭ مەلٸمەتٸنشە, زەينەتاقى مەن جەردەماقىلاردى قارجىلاندىرۋدى ەكٸنشٸ دەڭگەيدەگٸ بانكتەردە بٸركەلكٸ بٶلۋ ٷشٸن اقشا قاراجاتىن اۋدارۋ كەزەڭ-كەزەڭٸمەن جٷزەگە اسىرىلاتىن بولادى.
«2020 جىلعى 5 قاڭتاردا قازاقستان رەسپۋبليكاسى ەڭبەك جەنە حالىقتى ەلەۋمەتتٸك قورعاۋ مينيسترلٸگٸ «ازاماتتارعا ارنالعان ٷكٸمەت» مەملەكەتتٸك كورپوراتسيياسى» كەاق-عا 12,5 ملرد تەڭگە, 5-8 قاڭتار ارالىعىندا «ازاماتتارعا ارنالعان ٷكٸمەت» مەملەكەتتٸك كورپوراتسيياسى» كەاق كەستەگە سەيكەس اقشانى الۋشىلاردىڭ شوتتارىنا اۋدارادى.
قالعان 5,2 ملرد تەڭگە «ازاماتتارعا ارنالعان ٷكٸمەت» مەملەكەتتٸك كورپوراتسيياسى» كەاق-عا تاياۋ كٷندەرٸ جٸبەرٸلەدٸ», دەلٸنگەن حابارلامادا.
ەستەرٸڭٸزگە سالا كەتەيٸك, 2020 جىلعى 1 قاڭتاردان باستاپ 4 جەنە ودان دا كٶپ كەمەلەتكە تولماعان بالالارى بار نەمەسە 23 جاسقا دەيٸنگٸ كٷندٸزگٸ وقۋ بٶلٸمٸندە وقيتىن ستۋدەنتتەرٸ بار وتباسىلارعا جاڭا مەملەكەتتٸك جەردەماقى بەرلەدٸ.
اتالعان مەملەكەتتٸك جەردەماقى وتباسىنىڭ تابىسىنا قاراماستان سارالانعان مٶلشەردە: 4 بالاعا – 42 496 تەڭگە; 5 بالاعا – 53 127 تەڭگە; 6 بالاعا – 63 757 تەڭگە; 7 جەنە ودان دا كٶپ بالاعا – 74 388 تەڭگە تٶلەنەدٸ.
جالپى العاندا, 2020 جىلى كٶپبالالى وتباسىلارعا مەملەكەتتٸك جەردەماقى تٶلەۋگە 177,6 ملرد تەڭگە كٶزدەلگەن. بۇل جەردەماقىنى 346,8 مىڭ وتباسى الاتىن بولادى.
