QR Úkimeti «Eksporttyq kólemderge proportsionaldy orta, iri jáne alyp ken oryndary úshin jer qoinaýy ýchaskelerin paidalanýǵa ýaqytsha shekteýler engizý týraly» Qaýly qabyldady, dep habarlaidy primeminister.kz.
Qabyldanǵan tásil QR ishki naryǵynyń munai ónimderiniń qajetti kólemine degen qajettiligin, sondai-aq óndirýdiń tabiǵi tómendeýi kezeńindegi iri jobalar men eski ken oryndary úshin munai óndirýdi azaitý jónindegi mindettemelerdi ádil bólýdi qamtamasyz etýge múmkindik beredi.
Qabyldanyp jatqan sharalar qazaqstandyq ken oryndarynyń apattyq toqtaý qaýipterin qysqartýǵa jáne qazaqstandyq munai eksportynan keletin aqsha qarajatynyń turaqty túsýin qamtamasyz etýge jol ashady.
Qazaqstanda jáne basqa elderde munaidy qysqartý boiynsha buǵan deiin qabyldanǵan sharalardyń arqasynda munai baǵasynyń dinamikasynda oń úrdis (23.06.2020 j. jaǵdai boiynsha Brent markasynyń baǵasy 42,23 doll/barr qurady) jáne munai naryǵyndaǵy teńgerimsizdiktiń azaiýy baiqalady.
