2020 jyldyń 7 aiynda 743 myń adam jumysqa ornalastyryldy. Bul týraly QR Eńbek jáne halyqty áleýmettik qorǵaý vitse-ministri Serik Shapkenov aitty, dep habarlaidy "Ult aqparat".
«Biyl 1 mln 200 myń adamdy jumyspen qamtý sharalaryna tartýdy josparlaǵan edik. Bul rette eń basty baǵdarlama - «Eńbek« baǵdarlamasy aiasynda 600 myń adamdy jumyspen qamtý kózdelse, búgingi kúnge 379 myń adam jumysqa ornalasty», - dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, álemdi sharpyǵan koronavirýs indetine bailanysty elimizdiń Úkimet daǵdarysqa qarsy sharalar ázirlegen. Sondai sharalardyń biri - «Jumyspen qamtý» jol kartasy. Atalǵan jol kartasy asynda 255 myń adamdy jumysmen qamtý josparlanǵan.
«Búgingi kúnde 7 aidyń qorytyndysy boiynsha 154 myń adam jumyspen qamtylyp otyr. Sonymen birge elimizde «Nurly jer», «Nurly jol» syndy kóptegen memlekettik baǵdarlama qabyldandy. Osy baǵdarlamalardyń aiasynda 364 myń azamatty jumyspen qamtýdy josparlaǵan edik. Qazirgi tańda atalǵan baǵdarlamalardy iske asyrý barysynda 210 myń adam jumysqa ornalasty. Barlyǵyn qosa eseptegende 743 myń adam jumyspen qamtylyp otyr«, - dedi Serik Shapkenov.
