2020 jyldyń qańtarynan bakalavriat, magistratýra jáne doktorantýra stýdentteriniń shákirtaqysyn 25 paiyzǵa ósedi, – dep habarlaidy «Ult aqparat».
«Ózekti máselelerdiń biri joǵary oqý oryndary stýdentterdiń shákirtaqysyn kóterý ekendigin jaqsy bilemin. Bul másele nazardan tys qalyp, shákirtaqy 2016 jyldan kóterilgen joq. Biraq, onyń obektivti sebepteri boldy. Sondyqtan stýdentterdi qoldaý úshin men 2020 jyldyń 1 qańtarynan bakalavriat, magistratýra jáne doktorantýra stýdentteriniń shákirtaqysyn 25 paiyzǵa kóterý týraly sheshim qabyldadym. Tolyqtai alǵanda bul shamamen 130 myń adamǵa qatysty bolady» dedi Prezident Q.Toqaev Jastar jylynyń jabylý jáne Volonter jylynyń ashylý saltanatynda.
QR Prezidenti dál osyndai qoldaý kolledj stýdentterine de kórsetiletindigin aitty.
«Esterińizde bolsa, osy jyldyń qyrkúieginen jumys mamandyǵyny alyp jatqan 122 myń shákirttyń shákirtaqysy 30 paiyzǵa artty. Meniń tapsyrmam boiynsha, Úkimet 2020 jyldyń qańtarynan orta araýly bilim alatyn kolledj stýdentteriniń shákirtaqysyn 25 paiyzǵa arttyrady. Bul taǵy da 100 myń adamǵa qatysty. Bul sharalar stýdentterimizge jaqsy qoldaý bolaryna senemin» dedi Memleket basshysy.
