2020 jyldyń 1 qańtarynan bastap lombardtar nesie biýrosyna barlyq kepildik múlik týraly málimet berýge mindetteledi, dep habarlaidy "Ult aqparat".
«Ishki ister ministrligi Ulttyq bankpen birlesip, lombardtardyń qyzmetin uiymdastyrý qaǵidalaryn ázirlep, bekitti. Onda lombardta zattardy saqtaý, qaýipsizdikti qamtamasyz etý boiynsha talaptardy anyqtaý tártipteri kórsetilgen. Engizilgen ózgeristerge sáikes, 2020 jyldyń 1 qańtarynan bastap lombardtyq uiymdar mikronesieleý uiymdaryna sanatyna jatqyzylady. Osy qaǵidalarǵa sai, lombardtar nesie biýrosyna barlyq kepildik múlik týraly málimet berýge mindetteledi. Al politsiia bólimshelerine jymqyrylǵan múlik pen qoiylǵan kepil nysanyn tekserý úshin osy biýro qoljetimdi bolady», - dedi IIM Qylmystyq politsiia departamentiniń basqarma bastyǵy Nurjan Rahmetýllaev vedomstvoda ótken baspasóz máslihatynda.
IIM ókiliniń aitýynsha, urlanǵan zattardyń kóbi (zergerlik buiymdar, turmystyq tehnikalar) lombardtarǵa ótkiziledi. Mine, sol sebepti, Ishki ister ministrligi urlyq jaǵdailaryn aýyzdyqtaý úshin lombardtarǵa ótkizilgen zattardy teksermek.
