2020 jyldyń 1 qańtarynan bastap áielderdiń zeinet jasy 59,5 jasqa deiin ulǵaiady. Biryńǵai jinaqtaýshy zeinetaqy qory jyldyń sońyna deiin zeinetaqy taǵaiyndaý úshin kimder ótinish jazý kerektigin aitty, dep habarlaidy "Ult aqparat".
«Biryńǵai jinaqtaýshy zeinetaqy qory kele jatqan Jańa jyl qarsańynda, qordan zeinetaqy tólemderi zeinet jasyna tolǵan azamattarǵa (erlerge - 63 jastan bastap, áielderge biyl 2019 jyldyń 31 jeltoqsanyna deiin 59 jasqa tolǵanda) beriletinin taǵy da eske salady. Bul rette áielderdiń zeinetke shyǵý jasy 2027 jyly 63 jasqa jetkenge deiin jyl saiyn 6 aiǵa uzartylyp otyrady. 2020 jyldyń 1 qańtarynan bastap áielder «Qazaqstan Respýblikasynda zeinetaqymen qamsyzdandyrý týraly» Zańnyń 11-babynyń 1 tarmaǵyna sáikes zeinetkerlikke 59,5 jasqa tolǵanda shyǵady», - dep habarlady BJZQ.
Eger áiel adam zeinet jasyna biylǵy 30-31 jeltoqsanda tolatyn bolsa, onda oǵan 10 kún qalǵanda, iaǵni 21-31 jeltoqsan aralyǵynda halyqqa qyzmet kórsetý ortalyǵyna baryp, ótinish berýi qajet. Eger qandai da bir sebeppen kele almasa, zeinetaqyny rásimdeý úshin taǵy 6 ai kútýine týra keledi.
