2020 jyly ónerkásip salasyndaǵy otandyq óndirýshilerdiń baǵasy 4,2 paiyzǵa tómendedi. Mundai derekti QR Strategiialyq josparlaý jáne reformalar agenttiginiń Ulttyq statistika biýrosy usyndy, dep habarlaidy QazAqparat.
Jyl ishinde taý-ken óndirýde baǵanyń munaiǵa - 22,8, tabiǵi gazǵa 8,4 paiyzǵa tómendeýi, metall kenderine - 36,1, kómirge 2,5 paiyzǵa joǵarylaýy baiqaldy.
Óńdeý salasynda baǵa mysqa - 32,7, asyl metaldarǵa - 25,6, aliýminiige - 19,8, myryshqa - 19,4, qara metaldar ilegine - 7,9, qorǵasynǵa 2,9 paiyz joǵarylady, ferroqorytpalarǵa 6,8 paiyz tómendedi. Munai ónimderinen mazýt - 38,1, dizel otyny - 13,3, benzin 10,2 paiyz arzandady, suiytylǵan propan jáne býtan 6,5 paiyz qymbattady.
Azyq-túlik ónimderinen óndirýshilerde baǵa ósimdik maiyna - 41,1, qantqa - 19,9, jarmalarǵa - 15,5, qara bidai unyna - 14,5, bidai unyna - 12,9, makaron ónimderine - 10,7, shaiǵa - 10, nanǵa - 7,6, sút ónimderine - 7, kúrishke - 5,6, mal etine - 6,1, qus etine 1,1 paiyz qymbattady.
Elektr energiiasymen jáne sýmen jabdyqtaýda býmen, ystyq sýmen jabdyqtaý qyzmetteriniń baǵasy - 16,2, elektr energiiasy, ony taratý boiynsha qyzmetterdi qosa alǵanda - 12,7, sýdy bólý boiynsha qyzmetter 5,7 ósti.
