Almatyda kommýnaldyq qyzmetteri kúsheitilgen rejimde jumys istep jatyr, dep habarlaidy "Ult aqparat".
Almatyda injenerlik jelileri men tirshilikti qamtamasyz etý obektilerinde birde-bir iri jáne ortasha apat bolǵan joq,
«Biz Jańa jyldy joǵary daiyndyq jaǵdaiynda ótkizdik. Almaty qalasynyń jylý-energetikalyq kesheni men turǵyn úi-kommýnaldyq sharýashylyǵynyń jumysynda iri aqaýlar tirkelgen joq. Osy kúnderi sýmen jabdyqtaý jáne elektr jelilerinde bolǵan birneshe jergilikti sipattaǵy tótenshe jaǵdailar qysqa merzimde joiyldy», - dedi qalalyq Energiiatiimdilik jáne infraqurylymdy damytý basqarmasynyń basshysy Aidar Berkimbaev.
Onyń aitýynsha, bul Almaty ákimi Baqytjan Saǵyntaevtyń tapsyrmasyna sáikes júzege asyrylatyn otyn-energetikalyq kesheniniń jáne turǵyn úi-kommýnaldyq sharýashylyǵynyń barlyq kásiporyndaryn jańa jyldyq merekelerge tyńǵylyqty daiyndaýdyń nátijesi.
Táýlik boiy kezekshilik etetin jedel-profilaktikalyq brigadalarǵa jáne dispetcherlik qyzmetterge erekshe nazar aýdaryldy. Olardyń kásibililigi almatylyqtar men qala qonaqtarynyń jailylyǵyn qamtamasyz etti.
Jalpy, 2020 jyl ishinde Almaty turǵyndary 5 milliard kilovatt saǵat elektr energiiasyn, 1 625 million tekshe metr gaz, 145,5 million tekshe metr sýyq sý tutynsa, onyń 75,1 million tekshe metrin halyq tutynǵan. 7,9 mln gigakaloriia jylý energiiasyn tutynǵan. Onyń 5,5 mln-y (69,6%) «Almaty elektr stantsiialary» AQ-na, 30,4%-y «Almatyteplokommýnenergo» JShS-niń 84 qalalyq qazandyqtary arqyly berildi.
